Latest update March 28th, 2024 12:59 AM
Jan 17, 2018 Dem Boys Seh, Features / Columnists, News
Every corner yu turn is a fast food outlet. In de old days dem only had KFC. Now dem got Church’s, Popeye’s, DQ, JR Burger, Royal Castle, M&M, Johnny Rocket and recently Burger King. A stranger coming to dis country for the first time would believe dat de country is one big soup kitchen.
Fuh sure all of dem doing good business. Every day is a long line. When de Burger King open some people believe dat dem had a food shortage and Burger King bring food. Dem boys see lines like when Burnham was alive. Dat was de time when people use to line up fuh soap, salt, flour, cooking oil and things like dat.
When dem boys count de fast food outlets dem had to announce dat anybody who seh Guyana poor dem lie. No poor country can got people buying food form all dem eating house. And dem is just some. Dem boys ain’t count de Chinee restaurant. New Thriving does full every day.
When people ask wheh Guyanese getting de money to spend, dem boys does tell dem dat is de oil money dem spending in advance. It got to be dat ExxonMobil start sharing out money because de people who calling fuh more pay is de same people buying food every day. Nobody cooking at home.
Dem boys seh dem Regent Street business people complaining how business bad. Dem ain’t realize dat de people shopping in foreign. Dem shopping online; dem clothes and dem goods coming by plane. Imagine it cheaper to buy things, fly dem in de country than to buy pun Regent Street,
Is a topsy turvy world. People seh dem poor but dem can buy food pun de road; dem can jump pun a plane and go pun vacation; dem can buy dem goods from overseas and when dem done, dem can always cuss de government fuh punishing dem…
Talk half and wait fuh when McDonald’s come
THIS IDIOT TELLING GUYANA WE HAVE NO SAY IN THE 50% PROFIT SHARING AGREEMENT WE HAVE WITH EXXON.
Mar 28, 2024
Minister Ramson challenge athletes to better last year’s performance By Rawle Toney Kaieteur Sports – Guyana’s 23-member contingent for the CARIFTA Games in Grenada is set to depart the...B.V. Police Station Kaieteur News – The Beterverwagting Police Station, East Coast Demerara (ECD) will be reconstructed... more
By Sir Ronald Sanders Kaieteur News – In the face of escalating global environmental challenges, water scarcity and... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]